Prísurin á mati heldur fram at hækka. Tað vísir seinasta uppgerðin hjá Hagstovuni.

Uppgerðun vísir, at í novembur kostaði at sløk fýra prosent meiri at fáa mat á borðið enn tað gjørdi fyri einum ári síðani.

Men Uppgerðin hjá Hagstovuni vísir eisini, at hesi seinastu fimm árini eru prísirnir á mati og drykkjuvørur hækkaðir yvir 30 prosent tilsamans.

Hetta seinasta árið eru tað serliga prísirnir á kaffi, te og kakao, sum eru hækkaðir, tí hesir vørubólkarnir eru dýrkaðir heili 22 prosent hetta seinasta árið.

Smør, margarin og oljur eru meir enn átta prosent dýrari nú enn fyri einum ári síðani.

Prísurin á kjøti er hækkaður næstan átta prosent hetta seinasta árið og tað er serliga neytakjøt og svínakjøt, sum er dýrkað mest.  

Prísvøksturin á frukt er næstan fýra prosent, meðan grønmeti er eitt gott prosent dýrari nú, enn tað var í november í fjør - men nú er frukt og grønmeti mvg frítt.