Samlaða skattainntøkurnar hjá kommununum vóru í fjør 176.378.122 krónur størri í fjør, enn tær vóru í 2024. Vøksturin svarar til 7 prosent.

Í krónum var vøksturin nógv størstur í høvuðsstaðarkommununi. Tað runnu 68.572.959 krónur fleiri í skatti í kommunukassan í Tórshavnar kommunu í fjør, enn tað gjørdu í 2024. Vøksturin var 6,43 prosent.

Í Klaksvíkar kommunu var vøksturin 25.382.903 krónur. Vøksturin í kommunu skattinum í Klaksvík var 9,45 prosent.

Í Runavíkar kommunu var vøksturin í kommunuskattinum 18.830.869 krónur. Í Runavíkar kommunu var lutfalsligi vøksturin 8,81 prosent.