Russiski uttanríkisráðharrin, Sergey Lavrov segði hósdagin, at NATO og Evropeiska Samveldið føra kríggj móti Russlandi við at brúka Ukraina sum proxy-amboð. Eisini meinar hann at tey beinleiðis luttaka í ósemjuni.

Viðmerkingarnar hjá Lavrov fylgja endurtøkum av pástandum hjá Kreml um, at vesturlendski hernaðarligi og fíggjarligi stuðulin til Ukraina, svarar til beinleiðis fíggindaskap móti Russlandi.

Á einum fundi áðrenn aðalfundin hjá ST hósdagin, úttalaði hann seg eisini um evnið

- Eitt greitt dømi er kreppan í Ukraina, sum er provokerað av felags vesturheiminum, sum NATO og Evropeiska Samveldið vilja lýsa, og í roynd og veru longu hava lýst, eitt veruligt kríggj móti mínum landi, og tey luttaka beinleiðis í tí, segði hann tá.