Løgtingið hevur valt Beinir Johannesen at vera løgmaður. Tá ið løgmaður tók orðið og takkaði fyri álitið, segði hann, at Bárður á Steig Nielsen er nýggjur varaløgmaður.
Í takkarrøðu síni segði nýggir løgmaðurin, at høvuðsmálið hjá honum og nýggju samgonguni millum Fólkaflokkin, Sambandsflokkin og Javnaðarflokkin er at fáa føroyingar at velja Føroyar. Hann segði seg frøðast um, at blokkpolitikkurin er farin í søguna, og at tað nú er upp til løgtingið at vísa, at tað er ført fyri at samstarva breitt soleiðis, sum føroyingar á valinum løgdu upp til.
26 atkvøður vóru fyri at velja Beinir Johannesen til løgmann, og sjey atkvøður vóru blankar.
Beinir Johannesen er fjórði løgmaður úr Fólkaflokkinum. Teir undanfarnu vóru Hákun Djurhuus (1963-1967), Jógvan Sundstein (1989-1991) og Anfinn Kallsberg (1998-2004).
Eftir stuttu takkarrøðuna útnevndi løgmaður landsstýrisfólkini:
Bárður á Steig Neilsen verður landsstýrismaður við uttanríkis- og fiskivinnumálum og varaløgmaður
Aksel V. Johannesen, landsstýrismaður við figgjarmálum
Jacob Vestergaard, landsstýrismaður við vinnumálum
Margit Stórá, landsstýriskvinna við almanna- og bústaðarmálum
Eyðdis Hartmann Niclasen, landsstýriskvinna við heilsu- og orkumálum
Bárður á Lakjuni, landsstýrismaður mentamálum við mentamálum.
