Ongi úrslit

Leikaraleiðin kveikt venjaraneistan

31 fyrrverandi og núverandi spælarar tóku lut á “Leikaraleiðini”, sum endaði farna vikuskifti. Hetta var eitt læruríkt tíðarskeið, sigur Odmar Færø, ið av álvara umhugsar at fara venjaravegin, tá gaggurnar verða settar á hillina

FSF/Hans Erik Danielsen
27. januar kl. 22:43

Tann 25. novembur í fjør settu 31 fyrrverandi og núverandi fótbóltsspælarar seg á skúlabonk á Tórsvølli. Á skránni var eitt serligt venjaraskeið, nevnt “Leikaraleiðin”, ið Fótbóltssamband Føroya skipaði fyri, og sum var ætlað spælarum við royndum frá hægri stigi, bæði í Føroyum og uttanlands, umframt landsliðsroyndir.

Og nú, tveir mánaðar seinni, hevur síðsta samlingum verið, og sum heild eydnaðist skeiðið sera væl.

Ein av luttakarunum á “Leikaraleiðini” var landsliðsspælarin, Odmar Færø, ið hevur spælt omanfyri 300 dystir í fremstu deildini, og higartil er skrásettur fyri 62 A-landsdystir fyri Føroyar.

– Hetta var eitt læruríkt tíðarskeið, við sera góðum undirvísarum. Tað er stórur munur at vera spælari og venjari, og tað kom eisini greitt fram á skeiðnum, sigur Odmar Færø, ið umhugsar at fara venjaraleiðina, tá hann einaferð gevst at spæla fótbólt.

– Ja, tað rokni eg við at eg fari. Tað verður í øllum føri ringt at sleppa fótbóltinum heilt, so tað er als ikki óhugsandi at eg gerist venjari, og tá verður hetta skeiðið heilt víst í amboðskassanum.

Eisini fyri FSF eydnaðist skeiðið sera væl, og nú verður umhugsað at hava eitt líknandi skeið fyri kvinnur, ið hava royndir frá hægri stigi sum spælarar.

– Hetta var eitt sera áhugavert og spennandi skeið, ið hevði til endamáls at fáa fyrrverandi og núverandi spælarar at luttaka, og tað eydnaðist eisini til fulnar. Vónandi hava vit kveikt ein neista, so fleiri av hesum fara á B4 venjaraútbúgvingina, sum eftir ætlan byrjar í vár, sigur Jógvan Martin Olsen, ið var ein av undirvísarunum á “Leikaraleiðini”.

 

Mest lisið hesa vikuna

Skal ungdómurin eggjast at droyma kommersielt?

Í gjár kl. 23:43

Stolnir málningar á rótikassanum

28. august kl. 13:32

Tvær bygdir í Suðuroy fáa grind í dag

Í gjár kl. 16:39

Nú er neyðugt at verða serliga varin tá ið farið verður eftir nátungum

26. august kl. 12:15

Suðuroyartunnilin vendir Suðuroynna á høvdið

Í gjár kl. 10:12

Háaktuelt: Vilmund á veg til Rødbygaard – brot úr lívssøgu hansara

29. august kl. 14:18