Miðflokkurin skrivar soleiðis í tíðindaskrivi í kvøld:

Formansval, sum sambart lógum floksins skal verða aftaná hvørt løgtingsval, hevur í dag verið í Miðflokkinum.

Jenis av Rana, sum hevur verið formaður floksins síðani 1998, segði seg úr formansstarvinum, og Steffan Klein Poulsen varð valdur nýggjur formaður fyri flokkin, skrivar Miðflokkurin.

Formansskifti kemur ikki óvart á. Tá ið løgtingsvalið hevði verið hósdagin 26. mars segði Jenis av Rana, at hann fór skjótt at leggja frá sær sum floksformaður.

Í dag var tað Jenis av Rana, ið sum ellisformaður setti løgtingið. Hann segði í dag, at um tað vera fýra ár, inntil tað aftur verður løgtingsval, so fer hann ikki at stilla uppaftur. Eg veri ikki 77 ára gamalt løgtingsvalevni, segði Jenis av Rana.

Á løgtingsvalinum 26. mars fekk Miðflokkurin 5,3 prosent av atkvøðunum og tvey umboð. Steffan Klein Poulsen varð valdur við 701 persónligum atkvøðum, og Jenis av Rana varð valdur við 364 persónligum atkvøðum.