Í morgin vera hálvfinalurnar í EM kappingini í manshondbólti. Báðar hálvfinalurnar vera í Boxen í Herning.

Longu klokkan 14 spæla Portugal og Svøríki um fimta plássið.

Fyrra hálvfinalan millum Týskland og Kroatia verður klokkan 16.45.

Seinna hálvfinalan millum Danmark og Ísland verður klokkan 19.30.

Heilt merkisvert er tað, at íslendingar eru oddamenn fyri trimum av hálvfinaluliðunum.

Venjari hjá Kroatia er 52 ára gamli Dagur Sigurðsson.

Venjari hjá Týsklandi er 66 ára gamli Alfred Gislason.

Venjari hjá Íslandi er 44 ára gamli Snorri Guðjónsson.