Seinnapartin í gjár varð ringt til løgregluna at boða frá, at eldur var í einum húsum á Tvøroyri.

Løgreglan sigur, at fráboðanin kom klokan 17.50 og tað tók meiri enn hálvan annan tíma at sløkkja.

Eitt fólk var í húsunum, men tað kom út í øllum góðum.

Umframt sløkkiliðið á Tvøroyri, varð sløkkiliðið í Vági eisini boðsent.

Løgreglan sigur, at klokkan 19.30 var eldurin sløktur.

Húsini eru rættiliga illa farin og nú fara tey so at kanna um tað ber til at fáa greiði á, hví eldur kom í.