Stóri dreymurin varð veruleiki, tá ið lutakast seinnapartin var um, hvørjum Føroyar skulu spæla ímóti í kappingini fyri at vera við í HM endaspælinum í manshondbólti, sum um eitt ár verður í Týsklandi.
Spurningurin snúði seg um, hvørjari europeiskari hondbóltstjóð Føroyar í mai skulu kappast við.
Lutakastið lagaði tað soleiðis, at Føroyar hitta vinnaranum at tvídystunum millum Bornia og Kosovo. Balkanlondini fara í mars at spæla tveir dystir.
Lutakastið lagaði tað eisini soleiðis, at Føroyar eiga heimavøll í seinna dystinum. Tá ið Føroyar síðst vóru í somu støðu, var Norðurmakedonia mótstøðuliðið. Tá var lagt fyri á heimavølli, og tað sá ljóst út, tí Føroyar vunnu við sjey málum. Men í Skojpe eydnaðist tað heimaliðnum at vinna við átta málum og samantalt 61-60, og so var tað Norðurmakedonia og ikki Føroyar, ið vóru við í HM endaspælinum.
Í dag lagaði lutakastið seg soleiðis, at fyrri dysturin verður á Balkan og seinni dysturin í høllini Við Tjarnir.
Marran undan dagsins lutakasti var, at mótstøðuliðið fór at verða eitt nú Kekkia, Serbia ella Pólland.
Dysturin á Balkan verður 13. ella 14. mai, og heimadysturin verður 16. ella 17. mai.
