Nú er nakað síðani at nýggi ringvegurin uttan um Havnina, Havnarvegur, læt upp.

Hann er uttan fyri bygt øki og tí er skjótt, at bilførarar lata seg lumpa, tí nógv halda, at har er loyvt at koyra 80.

Men skelti vísa, at mest loyvda ferð á Havnarvegnum er 60 kilometrar um tíman.

Tað læt ein bilførari seg lumpað av í gjár. Hann varð tikin fyri at koyra 82 kilometrar um tíman, so hann missur koyrikortið treytað. Sostatt kann hann halda fram at koyra, men hann má taka koyrikortið umaftur, annars missur hann tað heilt.

Tá ið hámarksferðin er minni enn vanligt, skal eisini minni til at missa koyrikortið. Tað merkir, at tann, sum koyrir yvir 75 á Havnarvegnum, missur koyrikorið treytað, og tann, sum koyrir yvir 80, missur tað ordiliga.

Annars vórðu tveir bilførarar eisini tiknir á strekkinum av Sandavágshálsi, oman ímóti Sandavági. Teir koyrdu báðir 105 kilometrar um tíman, og sostatt missa teir eisini koyrikortið treytað.