Í gjárkvøldið hevði Føroya Ríðingarfelag aðalfund og har fingu tey bæði nýggja nevnd, og nýggjan formann.

Tey siga í tíðindaskrivi, at  felagið er sera virkið og hevur seinastu tíðina bæði útbygt felagshúsið og tey byggja eisini nýggjar ríðibreytir og stykkar somuleiðis út til nýggj fjós á økinum hjá felagnum í Havnardali. 

Nýggja nevndin fer nú í holt við at fyrireikað virksemið í summar, hetta umfatar at skipa fyri FM-kappingini í ríðing og at skipað fyri vælumtókta familjutiltakinum, Djóradagar, ið verður seinasta vikuskiftið í mai mánaði. 

Á myndini eru tey, frá vinstru, Eyðfríð Mørkøre, tiltakslimur, Laila W. Mouritzen, nevndarlimur, Barbara R. Mouritzen, nevndarlimur, Osvald S. Johansson, formaður, Eva L.S. Klemmentsen, nevndarlimur, Eyðrið E. Hansen, tiltakslimur og Jeanette Danielsen, nevndarlimur.