-Tað var harði tónin hjá Donald Trump, forseta, mótvegis Iran, sum skapti tað úrslitið, sum vit síggja nú, segði talskvinnan í Hvítu Húsunum, Karoline Leavitt.

Hettar var svarið frá henni, tá hon á tíðindafundi í dag var spurd, hví Trump brúkti so harðan málburð, tá hann millum annað hótti við at týna eitt heilt samfelag.

Tað úrslitið hon sipar til, er tað at stutt áðrenn freistin hjá Trump var úti í nátt, gekk Iran við til eina friðarætlan í tvær vikur, og til at opna Hormuzsundið.