Ísraelska sjóverjan hertók flotan hjá Global Sumud Flotilla, sum flutti symbolska mongd av neyðhjálp umframt útlendskar aktivistar til Gaza-geiran. Hendingin fór fram náttina til í dag – heilagasta degi í jødiska kalendaranum, Yom Kippur.

Myndatól, sum sendu beinleiðis frá skipunum, vístu ísraelskar hermenn í hjálmum og náttarsjónarbrillum, sum fóru umborð á skipini, ímeðan manningin, eitt nú svenski aktivisturin Greta Thunberg, høvdu sett seg saman í bjargingarvestum við hondunum uppi.

Áðrenn hertakanina rópti ísraelska herdeildin til skipini og bóðu tey um at venda við – burtur frá ísraelskum øki. Hetta staðfestir IDF. Tá ið tey noktaðu hetta, vóru teir fleiri enn 400 aktivistarnir fluttir til havnina í Asdod.

Tað verður hildið, at 20 írskir ríkisborgarar, har ímillum senatorurin í Sinn Féin, Chris Andrews, høvundurin Naoise Dolan og skemtarin Tadhg Hickey, eru umborð á flotanum við nærum 500 fólkum úr fleiri londum.

Ísraelska uttanríkisráðharrastovan legði myndir á miðilin X av aktivistunum og skrivar, at tey nú eru á veg til Ísrael, har ið tey skulu tvingsilsflytast til Europa.