Sum vit hava skrivað áður í morgun, verður so ringt veður í annaðkvøld, at summastaðni er ætlanin at framskundað nýggjárhaldið til í kvøld.

Men eftir lógini er bara loyvt at skjóta fýrverk nýggjársaftan, nýggjársdag og annan januar. Tað vil siga, at í ár er bara loyvi at skjóta fýrverk í morgin, mikudagin, hósdagin og fríggjadagin.

Annars kann loyvi fáast frá løgregluni til at skjóta fýrverk aðrar tíðir og sostatt kann fýrverk ikki skjótast - í hvussu so er fyri midnátt í kvøld.

Men hjá løgregluni siga tey, at tað er bara í heilt serligum undantaksføri, at loyvi verður givið til tað. Og tað stendur einki í lógini um, hvørji hesi undantøkini kunnu vera.

Illveður á nýggárinum er hvørki óvanligt ella óvæntað, so tað verður ikki mett at vera nóg góð orsøk til at geva undantaksloyvi.

Løgreglan hevur fingið eini boð frá fútanum um, a tað er ikki heimild til at geva loyvi til at skjóta fýrverk í kvøld, tí at tað er ikki heimild fyri tí.

Vakthavandi hjá løgregluni sigur, at teimum kunnugt eru ongar umsóknr komnar um at fáa loyvi til at skjóta fýrverk í kvøld