Føroyar taka nú næsta stig á leiðini móti limaskapi í WTO

Umsóknin um sjálvstøðugan limaskap í WTO er send.

- Niðurstøðan hjá serligu §6 trætunevndini staðfesti í vár, at Føroyar kunnu gerast limur í WTO. Tað var ein stórur sigur fyri Føroyar, tí danir hava tvíhildið um, at tað løgfrøðiliga ikki bar til innan heimastýrislógina.

Nú er umsóknin send, og vit fara víðari við arbeiðinum at vinna Føroya betri handilsavtalur við onnur lond, sigur løgmaður og formaður Javnaðarfloksins Aksel V. Johannesen.

Miðað verður eftir, at umsóknin verður viðgjørd á komandi WTO-ráðsfundinum í desember. Sannlíkt tekur tað á leið trý ár at koma á mál við at gerast limur í heimshandilsfelagsskapinum WTO.