Dagføring: Tvey fólk í lívsvanda og tveir menn í varðhaldi: ein 32 ára gamal og ein 35 gamal.

Nógv fólk vórðu stungin í gjárkvøldið í einum toki til Huntingdon í Bretlandi.

Tilsamans eru tíggju fólk innløgd, og níggju teirra verða hildin at vera í lívsvanda.

Vitni greiða frá, at har var blóð alla staðni, og fólk róptu, at ein maður gekk og stakk fólk niður.

Sambært løgregluni eru tveir mans handtiknir.

Í eini fráboðan lýsir løgreglan hendingina sum álvarsama og sigur, at anti-yvirgangsløgreglan tekur lut í kanningini.

Bretska løgreglan fer at hava tíðindafund klokkan 10.00 føroyska tíð.