Eyðun Mohr Hansen er settur sum aðalstjóri í Almanna- og bústaðamálaráðnum. 
Eyðun er útbúgvin stjórnmálafrøðingur og hevur drúgvar royndir sum bæði deildarstjóri og aðalstjóri. Hann tekur við starvinum beinanvegin, skrivar løgmansskrivstovan.

Eyðun Mohr Hansen var aðalstjóri í Almennaráðnum, men tá ið aðalráðini fóru frá níggju og til seks var tað ikki pláss fyri Eyðuni, sum fór úr aðalstjórastarvinum.

John Rajani er løgmansstjóri, og umframt Eyðun Mohr Hansen eru hinir aðalstjórarnir Herálvur Joensen í Uttanríkis- og fiskimálaráðnum, Bjarni Askham Bjarnason í Fíggjarmálaráðnum, Pól Egholm í Vinnumálaráðnum, Poul Geert Hansen í Mentamálaráðnum og Bjørgfríð Ludvig í Heilsu- og orkumálaráðnum.