Tað eru nógv, sum illneitast inn á, at streymprísurin í Føroyum er høgur. Tað eru eisini summi sum siga, at einasta svarið er at fáa kapping á økinum fyri at fáa streymin bíligari.

Sum støðan er nú, hevur Sev einkarrætt upp á selja streym - og verður hugt at tølunum, eru Føroyar ikki so illa farnar.

Ein uppgerð, Hagstovan hevur gjørt upp og í hesum sambandi hava tey eisini samanborið prísin á streymi við prísin í øðrum londum.

Streymprísurin í Føroyum er rættiliga støðugur, og hetta seinasta árið hevur hann verið óbroyttur.

Men í londunum rundan um okkum sveiggar prísurin á streymi nógv - og tað er tann stóri munurin á prísinum í Føroyum og prísinum á streymi í øðrum londum, tí í fleiri londum er streymurin dýrur.

Tað er eisini ein av orsøkunum til, at prísvøksturin í Føroyum ikki altíð er tann sami, sum í øðrum londum. Hagstovan sigur, at hesi seinastu fimm árini er elprísurin í Íslandi og í Danmark, hækkaður 44 prosent.

Í Noregi er streymprísurin hækkaður heili 84 prosent hetta seinasta árið, og í Føroyum hevur príshækkingin verið 17 prosent.