Danmark tryggjaði sær fyrsta plássi í miðumfarinum við í kvøld at vinna 38-24 stórsigri móti Norra, sum nú er á veg til hús frá hesum EM endaspælinum.

At Danmark vann bólkin ber við sær, at onnur hálvfinalan verður millum Danmark og Ísland, og at hin hálvfinalan verður millum Týskland og Kroatia.

Norra legði væl fyri, og í fyrra hálvleiki gekk tað javnt á. Hálvleiksstøðan var 19-16 til Danmark, sum í seinna hálvleiki av álvara setti seg á mótstøðuliðið, sum í seinna hálvleiki bara skoraði átta mál.

Jóhan á Plógv Hansen var á vøllinum, tá ið Danmark í fyrra hálvleiki var í álopsstøðu, og hann takkaði fyri við at umseta allar tríggjar málmøguleikarnar til mál.