Ongi úrslit

Burðatalið í Runavíkar kommunu er tað hægsta í 35 ár

Í fjør vaks burðartalið í Runavíkar kommunu við 25 børnum

runavik.fo
10. januar kl. 19:25

Burðatalið í Runavíkar kommunu í 2024 var tað hægsta síðan 1989. Tað vísir ein uppgerð yvir livandi fødd í kommununi. Í alt vórðu 75 børn fødd í kommununi í 2024. Hetta er í mun til 50 børn árið fyri, og er tað ein vøkstur á heili 50 prosent.

Seinastu trý árini hava burðatølini annars verið lág um landið. Sambært feskum tølum frá Heilsumálaráðnum kvinkaði burðatalið í 2024 upp við 17 børnum í mun til 2023. Til samanberingar vaks burðatalið við 25 børnum bara í Runavíkar kommunu.

Verður kagað í hagtølini hjá Hagstovu Føroya fyri bygdirnar, sum eru í Runavíkar kommunu í dag, mugu vit leita heilt aftur til árgangirnar 1989 (92 børn), 1990 (72 børn) og 1991 (74 børn) fyri at finna líknandi burðatøl.

Í Runavíkar kommunu fegnast vit um hvørt einasta nýfødda barn. Tey eru framtíðin í kommununi, og vaksandi burðatalið ber við sær vón um eina bjarta framtíð.

Tað gevur somuleiðis eina ábending um, at familjurnar hava góðar vónir um framtíðina í Runavíkar kommunu.

 

Mest lisið hesa vikuna

80 ára gamal og má búgva í bilinum

3. mai kl. 21:00

Nýmótans teknikkur fekk bil at koyra sikksakk - bilførarin meldaður

3. mai kl. 09:19

Astrið Foldarskarð er nýútbúgvin fangavørður

6. mai kl. 22:25

Tað er púra skeivt at seta ungdómin upp ímóti Suðuroyartunnilin

6. mai kl. 14:00

Framferðin hjá Ísrael er fólkamorð - og her valdar tøgn

Í gjár kl. 08:40

Suðuroyartunnilin: Hetta er ein leikur sum fer fram

6. mai kl. 13:00