Løgreglan kannar í løtuni eitt mál um umfatandi oljudálking í Havn.

Tað var longu síðst í novemburm, at fólk vóru varug við, at nógv sjógvurin í Vágsbotni og við Kongabrúnna, var illa dálkaður av olju.

Løgreglan sigur, at talan var um umfatandi oljudálking, kanska einar 2.000 litrar.

Men tann stóri trupulleikin hjá løgregluni er, at oljudálkingin varð ikki meldað fyrr enn eina góða viku seinni.

Tað stendur annar í lógini, at oljudálking skal fráboðast alt fyri eitt. Men at tað gekk so long tíð, ger kanningararbeiðið hjá løgregluni truplari.

Løgreglan sigur, at dálkingin kann verða hend í sambandi við bunkring, men skipið hevur langt síðani loyst aftur. Kortni hevur løgreglan ein varhuga av, haðani oljudálkingin stavar.

Men tað skulu fleiri kanningar til áðrenn tey kunnu siga nakað við vissu. Finna tey fram til, hvaðani oljudálkingin stavar, verður bótin fleiri hundraðtúsund krónur.