Í kvøld boðar Víkingur frá, at felagið hevur skrivað undir nýggjan sáttmála við Jørgen Nielsen. Tað hevur annars ljóðað, at Jørgen var á veg av landinum, og at hann hevur verið upp á tal at avloysa Adrian Justinussen í Hillerød.

22 ára gamli Jørgen Nielsen hevur tvey tey seinastu árini spælt við Víkingi. Sambært FaroeSoccer hevur Jørgen Nielsen fyri Víking spælt 62 dystir og skorað 20 mál.

Frammaunundan spældi hann í 2023 við B68, har hann í 30 dystum skoraði seks mál, og fram til og við 2022 spældi hann 85 dystir og skoraði 56 mál við barndómsfelagnum NSÍ.

Higartil hevur Jørgen Nielsen spælt 104 dystir í bestu landskappingini og skorað 29 mál.

Í kappingini um løgmanssteypið hevur hann spælt 14 dystir og skorað fýra mál.

Jørgen hevur spælt níggju dystir í altjóða kappingum og skorað tvey mál.

Á U-21 landsliðnum hevur hann spælt 11 dystir og skorað fimm mál.

Nýggi sáttmálin millum Víking og Jørgen Nielsen er galdandi fyri 2026.