Seinnapartin í gjár hendi eitt ferðsluóhapp í Kollafjørði, har tveir bilar stoyttu saman.

Ein bilur kom koyrandi norður eftir og stoytti saman við ein bil, sum kom niðan av keiini.

Løgreglan sigur, at nú royna tey at fáa greiði á, hvat tað var sum hendi og tí er eingin skuldsettur enn,

Har eru vitni, sum hava sæð óhappið og tey skulu eisini avhoyrast.

Løgreglan sigur, at trý fólk, sum vóru í bilunum, vórðu koyrd á Landssjúkrahúsið til kanningar. Onkur hevði ilt í rygginum og fyrsta metingin segði, at ein hevði kanska brotið hondina.

Annars hevur tað verið stak friðarligt í nátt, sigur løgreglan.