Mann hoyrir aftur og aftur frá pensjónistum, at pensjónin røkkir nærum ikki til dagligdagin, her er talan um tey, sum bara hava pensjónina at liva av.

Tað er ikki meira enn rímuligt, at pensjónin eisini verður prístalsviðgjørd ájavnt við lønarhækkanina, sum er givin, tí tey hava eisini brúk fyri, at pensjónin hækkar, líka so væl, sum lønirnar hækka.

Sitandi samgonga hevur áhaldandi minka rikisveitingina, sum hevur við sær, at landskassin hevur minni at gera gott við.

Nú fimm flokkar vilja loysa við einari “tjóðarsemju”, er Sambandsflokkurin einasti flokkur sum vil varðveita ríkisfelagsskapin, og harvið varðveita rikisveitingina úr Danmark á 541,8 mió. kr. í 2026.

Ríkisveitingin hevur stóran týdning fyri okkara vælferð. Tað er ikki komi fram, hvar hendan yvir hálva milliard skal koma frá ístaðin - vit gambla ikki við okkara vælferðasamfelag.

Sambandsflokkurin er garantur fyri tryggleika og trivnaði - og harvið okkara vælferðarsamfelag.

X við

Annfinn Brekkstein

løgtingsvalevni fyri Sambandsflokkin