Seinnapartin í gjár var ferðsluruðuleiki á Tjørnuvíkarvegnum. Har er smalt og í gjár var eín útlendskur ferðamaður í Tjørnuvík við bili.

Men hann kom ov langt út á jaðaran og fór út av og endaði í veitini. Har var nakað av ferðslu, so tað var skjótt, at rættiliga nógvir bilar stóðu báðu megin, og sluppu hvørki aftur ella fram.

Løgreglan sigur, at tað gjørdi, at umstøðurnar at fáa bilin upp aftur, vóru ringar, tí fyrst máttu bilarnir, sum stóðu og bíðaðu, fáast burtur aftur fyri at sleppa framat bilinum, sum var farin út av.

Ay endaði eydnaðist at sleppa fram at við einum lendisakfari, sum fekk drigið bilin uppaftur.

Løgreglan sigur, at sostatt vóru tey í Tjørnuvík avbyrgd frá umheiminum í hálvanannan tíma seinnapartin í gjár.

Men tey høvdu fyrireikað seg, so skuldi tað verið brúk fyri sjúkraflutningi, var tyrlan til reiðar.