Hetta seinasta samdøgurið hevur verið stak friðarligt hjá løgregluni.

Men í nátt gjørdu tey ferðmátingar í Norðoyatunlinum og har vórðu tveir bilførarar tiknir fyri at koyra alt ov skjótt. Teir koyrdu báðir einar 120 kilometrar um tíman og umframt at teir fáa bót upp á einar 2.500 - 3.000 krónur, missa teir eisini báðir koyrikortið treytað.

Sostatt skulu teir upp til nýggja koyriroynd, og tann kostnaðurin kemur so afturat.