Heilsustýrið hevur í løtuni eitt átak á sosialum miðlum, við at skriva um ymiskar mytur og fakta hví tað er vandamikið at fara í solarium

Okkara fatan er, at solarium verður meira og meira brúkt. Nýggjastu tølini um solariumvanar eru frá 2022, og har sá mann, at solarium bleiv nógv brúkt, og nú eru ábendingar um, at serliga tey ungu brúka regluliga solarium, sigur Noomi Gregersen, stjóri í Heilsustýrinum, og vísir samstundis á, at tað ikki er óvanligt hjá ungum undir 18 ár at brúka solarium, hóast lógin sigur, at tú skalt vera yvir 18 ár.

Eg bleiv eitt sindur ovfarin, tá eg flutti heim til Føroya, tí her er nógvur húð og móðurmerkjakraabi í mun til veðurlagið, og har er solarium ein syndari, sigur Rókur Akralíð.