Arbeiðið at gera ovara partin av útstykkingini á Oyrarbakka lidna er undirskrivað

Arbeiðið varð steðgað miðskeiðis í fjør, og ávísar ákoyringar hava verið um, at endamálið var at lata útstykkingina liggja í ongamannalandi. Hetta er tó ikki rætt. Arbeiðið, bæði viðvíkjandi lendisarbeiði og ráðgeving/eftirliti koyrdi uppá tímaløn, uttan at nøkur bindandi tíðarætlan var í verkætlanini. Avrátt var at hava fokus á niðaru ústykkingini fyrst, og síðani venda aftur til ovaru útstykkingina.

Í dag er avtala undirskrivað við P/F Articon, um liðugtgerð av ovaru útstykkingini. Talan er um heildararbeiðstøku, so arbeiðið er liðugt um hálvan juli í ár, og tá standa 11 nýggj grundøkir og eitt miðøkið klár at taka í nýtslu.

Út yvir tað verða í løtuni bindandi tilboð heintað inn um liðugtgerð av niðaru útstykkingini. Tað arbeiðið skal eftir ætlan eisini standa liðugt í summar og kemur væntandi fyri á býráðsfundi í mars.