Ein mynd av Grønlandi, sum er klætt í merikanska flagginum, hevur vakt ans á sosialu miðlunum.

Katie Miller, sum áður hevur havt fleiri størv í amerikansku stjórnini, og sum er gift við varastarvsfólkastjóranum hjá Trump forseta, Stephen Miller – deildi myndina við yvirskriftini SOON, sum merkir skjótt á føroyskum.

Uppslagið kemur stutt eftir amerikanska álopið á Venesuela.

- Eg haldi, at tað skal týðiliga síggjast sum ein hóttan. Tað er eitt signal um, at kreftir eru tætt við forsetan, sum arbeiða við at víðka amerikanskt øki fyri okkara rokning.

Tað sigur Rasmus Brun Pedersen, lektari í altjóða námsfrøði á Århus lærda háskúlanum.

Christian Friis Bach, formaður í uttanríkispolitisku nevndini, leggur tó dent á at hendan samanberiginn ikki má gerast.

- Tiltakið í Venezuela er móti einum ólógligum forseta, sum er skuldsettur fyri brotsverk, ímeðan Grønland er eitt fólkaræðisligt og vælvirkandi land, sigur hann.