Fyrrapartin í dag hendi eitt ferðsluóhapp í Norðragøtu, beint sunnan fyri tunnilsmunnan til Leirvíkstunnilin.

Men har hendi tað, at eftir óhappið, rýmdi bilførarin niðan í fjøllini.

Bæði nógv løgreglafólk, og sjúkrabilur vóru á staðnum - og løgreglan fekk skjótt samband við bilføraran.

Tey fingu eisini tyrlu og dronu at hjálpa til at eygleiða støðuna

Men maðurin vildi ikki samstarva við løgregluna, og tí mátti eisini nakað av mekling til, áðrenn tað eydnaðist at tosa mannin til sættis.

Løgreglan sigur, at tyrlan hevur nú flogið mannin oman aftur á slætt.

Løgreglan sigur, at nú skulu tey so royna at fáa greiði á, hvat tað var, sum fekk mannin at rýma í fjøllini, og tí vita tey heldur ikki, hvussu farið verður fram í málinum.