Í dag ber til at vitja umborð á Jákup Sverra

Hesa ferð liggur Jákup Sverri við bryggju beint við Sjóvinnuhúsið, og Havstovan bjóðar øllum vísindavøkugestum umborð at síggja nýggja stásiliga havrannsóknarskipið.

Skipið er opið frá klokkan 9 til 16, har vitjandi millum annað sleppa at síggja royndarstovur, fabrikkina, messuna, maskinrúmið og brúnna. Eisini eru fólk frá Havstovuni og manningin tøk at greiða frá, hvat skipið kann brúkast til.

Umframt at Jákup Sverri er opin fyri vitjandi, so hava tveir av granskarunum á Havstovuni eisini fyrilestrar í Kongshøll. Klokkan 11 hevur Karin Margretha Húsgarð Larsen fyrilestur um evnið "Fer Golfstreymurin at steðga?" Og klokkan 14 hevur Ian Salter fyrilestur um evnið "A climate mitigation strategy using marine algae? An example of scientific misrepresentation for economic gain".

Øll tiltøkini á Vísindavøkuni eru almenn og ókeypis.

Skráin sæst her.

Í dag ber til at vitja umborð á Jákup Sverra Í dag ber til at vitja umborð á Jákup Sverra

Aftur í ár luttekur Havstovan á Vísindavøkuni sum er í dag - fríggjadagin 24. september

Mest lisið hesa vikuna

Arbeiðsvanlukka kravt eitt mannalív

Samtalur, bindiklubbar og spontanar kaffimunnar gerast ein slags festivalur

Koyrikortið hjá bussførara er í vanda

Gjald áðrenn etið verður

Fyrrverandi føroyskur IDF-hermaður: Ísrael hevur onki val

Stjól fyri 1.000 krónur úr einum handli

Leys størv