Tríggir spælarar, sum hava spælt nógvar landsdystir, eru ikki á listanum, sum Eyðun Klakstein nú fyrrapartin kunngjørdi. Talan er um venjingardyst í San Marino leygardagin 28. mars heldur enn teir báðar dystirnir, sum ætlanin var at spæla í Dubai. Teir dystirnir eru avlýstir orsakað av spentu støðuni í Iran og økinum har á leið.

Fimm spælarar, sum plaga at vera í landsliðshópinum, eru ikki tøkir. Teir eru Odmar Færø, Brandur H. Olsen, Meinhard E. Olsen, René Shaki Joensen og Jóan Símun Edmundsson, og tá er Hallur Hansson, sum í fjør var nógv skaðadarvaður, ikki roknaður uppí.

-Felags fyri hesar er, at teir eru skaddir og harvið ikki tøkir. Tað eru altíð spælarar, sum ikki eru tøkir. Soleiðis var tað eisini í fjør, og n+u kemur tað okkum til góða, at vit brúktu allan hópin, og tá var talan um eitt tað besta avrikið yvirhøvur, sigur Eyðun Klakstein.

Í fjør var Patrik Johannesen nógv darvaður av skaðum. Tað bar við sær, at hann ikki spældi so nógv fyri KÍ, sum hann annars hevði gjørt, og hann var heldur ikki á landsliðnum. Nú er hann aftur fastur maður á KÍ liðnum, og í dag fekk hann landsliðsboð.

Málverjar

Mattias Heðinsson Lamhauge

Bárður á Reynatrøð

Bjarti Vitalis Mørk

Verjuspælarar

Andrias Edmundsson

Gunnar Vatnhamar

Samuel Chukwudi Johansen

Arnbjørn Svensson

Viljormur Davidsen

Ási P. Dam

Jóannes Kalsø Danielsen

Jann Julin Benjaminsen

Miðvallarspælarar

Jákup Biskopstø Andreasen

Géza David Turi

Noah Mnenéy

Jóannes Bjartalíð

Árni Frederiksberg

Poul Kallsberg

Hanus Sørensen

Adrian Justinussen

Álopsspælarar

Páll A. Klettskarð

Petur Knudsen

Patrik Johannesen