Ein profilur afturat meldar seg úr grønlendska Javnaðarflokkinum

Grønlendski javnaðarflokkurin, Siumut, er komin í kreppu eftir at flokkurin tók seg úr samgonguni fríggjadagin.

Í Siumut hava tey verið ónøgd við arbeiðslagið í grønlendska landsstýrinum og tí fóru tey úr samgonguni.

Tað fekk Vivian Motzfeldt at taka seg úr flokkinum, eftir at hava verið limur í 20 ár. Beinleiðis orsøkin er avgerðin um at siga seg úr samgonguni.

Og í dag boðar ein profilur afturat, Kim Kielsen, sum eisini er fyrrverandi stjórnarleiðari í Grønlandi, eisini frá, at hann tekur seg úr Siumut eftir at hava verið limur í 41 ár. Eisini hann sigur, at hann kann ikki góðtaka avgerðina um at fara úr samgonguni.