Van Allen Probe A, er navnið á fylgisveininum sum datt niður mikudagin í seinastu viku, umleið klokkan 10.37 GMT tíð.
Van Allen Probe A var sendur upp saman við einum øðrum sama slag fylgisveini í 2012, og datt altso nústani niður aftur, nú 14 ár seinni.
Hann rakti atmosferuna nærhendis Galapagosoyggjunum, í eystara parti av Kyrrahavinum.
Tað mesta av honum brendi upp, men vísindafólk halda, at nakrir partar munnu hava klárað tað ígjøgnum og eru á havsins botni.
Uppgávan hjá Fylgisveininum var upprunaliga ætlað bert at vara í tvey ár. Í staðin helt hann altso fram í sjey ár, til einki brennievni var eftir.
-1773187090.jpeg)
