Umleið 2.400 starvsfólk í arbeiðsmegini í Føroyum, eru útlendingar.Tað staðfestir Búskaparráðið í síni seinastu frágreiðing.

Sostatt eru útlendingar 8% av arbeiðsmegini í Føroyum.

Nógv teir flestu arbeiða í framleiðsluvinnuni, mest á flakavirkjum, og teir flestu koma úr Evropa og Asia.

Búskaparráðið sigur eisini, at meginparturin av útlendingunum, ið eru komnir til Føroya seinastu árini, eru fólk í arbeiðsførum aldri

Síðani snarskipanin varð sett í verk í novembur 2021, eru 871 útlendingar afturat komnir higar at arbeiða, og sostatt er útlendska arbeiðsmegin í Føroyum vaksin 60%.

Og talið á útlendskari arbeiðsmegi veksur støðugt. Í desembur var 41% av útlendsku arbeiðsmegini úr Evropa, 43% úr Asia, 11% úr Afrika og 5% úr Amerika.

Uppgerðin vísir eisini, at tað eru alsamt fleiri útlendingar her, sum ikki hava bústaðartilknýti til Føroyar.

Fyri at hava bústaðartilnýti til Føroyar, skal ein, hesi seinastu 10 árini, hava búð í Føroyum í minst sjey ár út í eitt. Ella skal ein hava búð minst helvtina av lívinum í Føroyum.

Hinvegin vísa tølini eisini, at færri av teimum norðurlendingunum, sum koma til Føroyar at arbeiða, verða ikki verandi, men fara heim aftur.