Útnorðurráðið havt ársfund í Reykjavík

Útnorðurráðið

Útnorðurráðið havt ársfund í Reykjavík

2017-09-03 11:29 Author image
Turið Nolsøe

31. august til 1. september var fundur í Reykjavík fyri sendinevndirnar í Útnorðurráðnum. Ársfundurin var væleydnaður, har føroysku, íslendsku og grønlendsku nevndirnar eisini undirskrivaðu eina samstarvsavtalu um at kanna møguleikarnir fyri fríhandli og einum útnorðurlendskum handilsráði. Hetta sigur ráðið í tíðindaskrivi.

Ráðið samtykti á fundinum trý tilmæli til stjórnirnar í teimum trimum limalondunum. Londini eiga, sambært ráðnum, at samstarva um at kanna mongdina av mikroplasti í havumhvørvinum í Norðuratlantshavi. Úrslitini skulu helst liggja klár í 2018, og londini verða eisini heitt á minka nýtsluna av mikroplasti. 

Harumframt verður tilmælt at øll trý lond meta um møguleikarnar at økja samstarvið millum fiskivinnuútbúgvingarnar í limalondunum. Serligur dentur verður lagdur á fulla nýtslu av havídnaðarvørum, fiskitøkni og nýmenning.

Triðja tilmæli eftir fundin er at seta ein arbeiðsbólk av mentanarkønum at gera eina felags útnorðurlendska vísu- og sangbók.

Tilmælini eru send til Løgtingið, Altingið og Inatsisartut til viðgerðar. Í føroysku sendinevndini eru Kári P. Højgaard, ið er formaður, Jørgen Niclasen, Bjørt Samuelsen, Joen Magnus Rasmussen, Magni Laksáfoss og Bill Justinussen.

Sum haldari fart tú atgongd til alt tilfar í blaðinum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður