Um at skjóta seg sjalvan í fótin

2016-07-25 13:13 Author image
Jákup Højgaard

Mann veit ikki, um mann skal flenna ella taka tað seriøst. Tað er nærum tragikomiskt at lesa viðmerkingarnar hjá Tjóðveldi um ymisk mál, sum samgongan í Tórshavnar býráð fremur.  

Alt sum framt verður, verður sáplað niður, og samstundis verður surrað og mjarrað um onnur mál, sum ikki verða framd. Tjóðveldi er oftast ikki við í nakrari viðgerð av málum, men eftirrationaliserar um alt og øll í fjølmiðlunum eftir, at øll onnur hava tikið avgerðirnar fyri tey.

Fólk eiga at vita, at Tjóðveldi ikki hevur atkvøtt fyri eini einastu fíggjarætlan seinastu fýra árini. Flokkurin hevur ongar visjónir, men stendur uttanfyri alt vanligt býráðsarbeiði og grenjar. Uttan ábyrgd. 

Sum varaborgarstjóri og nevndarlimur í eitt nú mentamálanevndini hevur Jógvan Arge tó verið við til at loyst nógvar bøkkar, hóast hann í viðgerðini av somu málum onga meining hevur havt ella hevur sagt seg at "taka støðu á seinni fundi", sum er afturvendandi viðmerkingin í ótali av fundarfrágreiðingum. 

Nú skrivar Jógvan Arge, at alt "tað betra fólkið á Vaglinum hevur verið úti á Fløtum við haka og vent hvør sínum bøkki...." 

Eg meini tað. Jógvan er vorðin stuttmintur. Gitið hvør var fremst at álboga seg fram til myndatøku, tá bøkkarnir fuku um oyruni á okkum og gravimaskinurnar blástu í lúðurhorn fyri skúlanum?

 

Góði Jógvan. Hvat dámar tær hesa myndina av tveimum av tí betra slagnum??

Tosa um at skjóta seg sjálvan í fótin.

 

Heðin Mortensen

borgarstjóri

 

 

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen
”Den er helt gal med Anna”

”Den er helt gal med Anna”

Tá Anna arbeiddi sum fangavørður, varð hon mett sterk og óttaleys. Men í loyndum stríddist hon við álvarsama strongd

Author image Marita á Rógvi

Meira langlesnaður