Túsundtals flóttafólk bjargað úr bátum í Miðjarðarhavinum

2016-08-30 15:47 Author image
Dimma

6.500 flóttafólk vóru bjargað uttan fyri strondina í Lybia mánadagin. Tað upplýsir italska bjargingartænastan, skrivar Ritzau.

Í gjár var eftir øllum at døma ein tann strævnasti dagurin hjá bjargingartænastuni tey seinastu árini. Myndir vísa flóttafólk í bjargingarvestum loypa á bláman av einum yvirfólkaðum báti. Bjargingartænastan hjálpti børnum og nýføðingum umborð á bjargingarbátar.

- Vit samskipaðu einari 40 bjargingar og bjargaðu 6.500 fólkum, skrivar bjargingartænastan.

Við í bjargingini vóru eisini skip og bátar úr Italia, hjálparfelagsskapir og fólk frá ES-marknaliðum.

Sunnudagin høvdu bjargingarbátar í Miðalhavinum somuleiðis nógv um at vera, tí fleiri 1.100 fólk vórðu bjargað tann dagin. Samlaða talið av flóttafólkum og migrantum, sum eru komin til Italia í 2016, er nú umleið 105.000 sambært ST-flóttafólkastovninum UNHCR. Talið er gjørt upp áðrenn bjargingarnar mánadagin.

Fleiri enn 3.000 flóttafólk og migrantar eru deyð á havinum í royndini at náa til Grikkalands ella Italia í ár. Tað er ein vøkstur á 50 prosent í mun til sama tíðarskeið í 2015. Síðan flóttafólkakreppan av álvara byrjaði í 2014 eru fleiri 400.000 fólk sloppin yvirum frá Norðurafrika í øllum góðum – ella á lívi í øllum førum.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður