Styrkja bondini við Suðurkorea

Styrkja bondini við Suðurkorea

2017-10-17 16:40 Author image
Innsent

Poul Michelsen, landsstýrismaður í uttanríkis- og vinnumálum, hevur í dag hitt suðurkoreanska sendiharran í Keypmannahavn, Jai-chul Choi.

Teir umrøddu, hvussu viðurskiftini millum Føroyar og Suðurkorea kunnu mennast – serliga á handilsøkinum. Fyrr í ár minkaði tollurin á føroyskum vørum í Suðurkorea munandi, men hann er framvegis hægri enn tollurin á vørum úr grannalondunum Íslandi og Noregi.

“Tí hevur Suðurkorea høga raðfesting á uttanríkispolitiska økinum. Vit arbeiða tískil við einum felagsskjali, sum skal vera grundarlag undir framtíðar samstarvi millum Føroyar og Suðurkorea,” sigur Poul Michelsen.

“Sendiharrin segði seg vera hugtiknan av føroyskum vinnulívi og eg vóni, at vitjanin kann leggja lunnar undir, at føroyskar vørur fáa fótin fastan á koreanska marknaðinum, sum telur 50 mió. fólk.”

Á fundinum kunnaði Jai-chul Choi eisini um spentu støðuna á koreansku hálvoynni, og Poul Michelsen nýtti høvi at greiða frá stjórnarskipanini, fiskivinnunýskipan, ferðavinnu og búskaparpolitikkinum hjá landsstýrinum. Sendiharrin vísti eisini ans fyri ætlanunum at gera Føroyar til ein maritiman tænastudepil, og vísti á samstarvsmøguleikar í tí sambandi, nú økt ferðsla er gjøgnum siglingarleiðirnar í Arktis, sum stytta um teinin millum Føroyar og Suðurkorea.

Á vitjanini í Føroyum skal sendiharrin eisini vitja Vinnuhúsið, skipasmiðjuna MEST, Varðan, Havsbrún, Pelagos og Bakkafrost.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður