Mentan

Sofie Linde aftur sum vertur í X Factor

Mynd: DR

Mynd: DR

2018-03-05 15:28 Author image
Alda Nielsdóttir

Tá triðja live-sendingin byrjar, er Sofie Linde aftur vertur.

Joakim Ingversen hevur seinastu tvær vikurnar verið vertur í X Factor, men fríggjadagin verður Sofie Linde aftur til arbeiðis. Líttla dóttir hennara, Trine, verður við.

Tey seinastu tvey fríggjakvøldini hevur maður hennara, Joakim Ingversen, verið avloysari fyri hana, meðan hon var í barsilsfarloyvi.

Sofie Linde sigur, at hon gleðir seg at koma aftur til arbeiðis.

"Tað hevur verið torført at sita heima í sofuni og fylgja við, hóast avloysarin hjá mær gjørdi eitt ótrúliga gott arbeiði," sigur hon.

Eftirsum Sofie Linde fer aftur til arbeiðis verður Joakim Ingversen aftur at síggja sum vertur á Ultra Factor. Sofie Linde sigur, at líttla Trine verður í góðum hondum, hóast bæði foreldur hennara skulu til arbeiðis. Ein vinkona hjá teimum kemur við sum barnagenta fríggjadagin.

Undirhaldsstjórin hjá DR, Jan Lagermand Lundme, er eisini sera fegin um at hava Sofie Linde aftur til arbeiðis.

"Tað verður gott at síggja alla Linde-Ingversen familjuna," sigur hann.

Kelda: DR

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður