Skattanevndin sett: Málið er eitt javnari býti av landsins virðum

2016-06-02 11:46 Author image
Dimma

- Skattanýskipanin skal fremja eitt javnari býti av landsins virðum millum borgarar landsins, og hon skal eggja fólki og vinnu at velja Føroyar.

Millum annað hetta segði Kristina Háfoss, landsstýriskvinna í fíggjarmálum, sum í dag hevur kunngjørt skattanevndina og arbeiðssetningin hjá nevndini.

Skattanevndin skal greina og viðgera føroysku skatta- og avgjaldsskipanina, og hon skal koma við tilmælum til endurnýggjan.

Skattanevndin er mannað við hesum fólkum: 

  • Kári Petersen, cand.polit og MBA, formaður 
  • Herit Albinus, MSc Econometrics and Mathematical Economics
  • Jóannes Jacobsen, cand. oecon , Ph.d. og adjunktur í búskapi
  • Erika Anne Hayfield, Ph.d. og adjunktur í samfelagsvísund
  • Sigurd Poulsen, cand.polit
  • Mirjam Haraldsen, cand.merc. aud, statsaut. grannskoðari
  • Petur Alberg Lamhauge, cand.merc.aud


Arbeiðssetningurin er sera umfatandi og fer í nógvar krókar av skatta- og avgjaldsskipanini. Men tað gongur aftur, at málið er, sum samgonguskjalið hevur lagt upp til, at skapa eina samhaldsfastar og sjálvbjargnar Føroyar.

Eitt nú skal nevndin viðgera og greina undantøk, frádráttir og serskipanir, sum í dag eru í skattaskipanini.   Í sama viðfangi skal skattanevndin gera uppskot til broytingar, ið tryggja, at skattur í størri mun verður rindaður eftir førimuni og í minni mun eftir slag av inntøku ella hvaðani inntøkan stavar. 

Í hesum leggur helst eisini, at skattagrundarlagið skal breiðkast.

Arbeiðssetningurin staðfestir eisini, at tilmælini, sum nevndin kemur við, mugu samanlagt ikki økja um inntøkuójavnan í Føroyum, heldur hinvegin. Tilmælini skulu samanlagt verða fult fíggjað, og tey skulu vera so ítøkilig, at tey eru búgvin til eina politiska viðgerð.

Fíggjarmálaráðið hevur ábyrgdina av og røkir skrivarauppgávuna hjá skattanevndini, sum skal vera liðug við sítt arbeiði tann 1. juni 2017.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður