Skansi Offshore dundrandi undirskot

2016-05-17 16:05 Author image
Dimma

Eina fjórðings milliard í halli. Tað er úrslitið hjá Skansa Offshore í fjør.

Skansi Offshore P/F hevur havt ársaðalfund, har ársroknskapurin fyri 2015 varð lagdur fram og góðkendur. Úrslitið gjørdist tað ringasta í søgu felagsins, og vánirnar fyri 2016 eru enn verri.

- Marknaðurin fyri frálandaskip er undir stórum trýsti í løtuni orsaka av ov stórum útboði av skipum, minkandi íløgum og virksemi hjá oljufeløgunum. Ein týðandi orsøk til minkandi íløgurnar, er stóra fallið í oljuprísinum síðan 2014, staðfestir Jens Meinhard Rasmussen, stjóri, í tíðindaskrivi.

Úrslitið er merkt av serligum niðurskrivingum av skipssvirðum á 256 mio. kr. Niðurskrivingin er gjørd út frá metingum frá óvildugum meklarum, umframt við atliti til framtíðarútlitini.

Ársúrslitið hjá samtakinum áðrenn minnilutapartar gjørdist eitt undirskot á 241 mio. kr. Eginpeningur við árslok í 2015 var 115 mió kr. Fíggjarstøðan hjá samtakinum javnvigaði við 1,2 mia. kr.

- Mett verður at marknaðarviðurskiftini verða avbjóðandi í rúma tíð. Skansi Offshore hevur tí, eins og flest onnur reiðarí í hesum marknaðinum, verið í samráðingum við sínar fíggjarstovnar fyri at fáa eina avtalu, sum tekur hædd fyri krevjandi marknaðarviðurskiftum komandi árini. Í einum marknaði, har skip vera løgd upp, feløg fara av knóranum, starvsfólk missa arbeiða og serfrøði hvørvur, er at fegnast um, at fíggjarstovnar hava víst Skansi Offshore álit, við at gera nýggja avtalu við felagið. Avtalan er góðkend av øllum 8 fíggjarstovnum sum fíggja felagið.

Skansi Offshore eigur og rekur 5 nýmótans frálandaskip, harav øll arbeiða í Norðsjógvinum í løtuni. Felagið hevur langtíðarsáttmálar fyri 3 av skipunum. Sáttmálarnir eru við BP, BG og Det Norske Oljeselskap.

Hjá Skansi Offshore samtakinum starvast í dag 131 starvsfólk, harav 120 sjófólk, allir føroyingar.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður