Inklusión í dagstovnum og skúlum

2016-06-10 08:53 Author image
Dimma

Eitt av mínum hjartamálum er inklusión. Í hesum tekstinum fari eg at tala fyri inklusión av børnum í vøggustovu, barnagarði og skúla.

Tað hevur í eitt langt áramál verið siðvenja í alt størri mun at inkludera børn við ymiskum frábrigdum í vanliga umhvørvi. Seinastu árini havi eg gjøgnum mín post sum forkvinna í Javna sæð eitt týðuligt rák beint tvørturímóti. Also, at man aftur í størri mun ger serstovur til børn við serligum avbjóðingum í barnagørðum og skúlum.

Tað er ein gongd, sum vit ikki bara kunnu standa og hyggja at. Tað er ein orsøk til, at Føroyar hava tikið undir við ST-sáttmálanum fyri fólk við breki. Sáttmálin sigur greitt, at børn við serligum avbjóðingum eiga somu rættindi sum onnur børn til ein innihaldsríkan og mennandi gerandisdag.

ST-sáttmálin byggir m.a. á Salamanca samtyktina, sum aftur byggir á gransking og konsensus frá fremstu granskarum innan hetta økið. Niðurstøðan í Salamanca samtyktini sigur, at børn, í tann mun tað upp á nakran máta er gjørligt, eiga at verða inkluderað í vanligar bólkar / flokkar av børnum. Netupp tí væleydnað inklusión er tann hátturin, sum mennir børnini best. Ikki minst børnini, sum onki baga.

Nú hoyri eg fyri mær røddir sum siga, jamen í Danmark riggar tað illa. Ja tað havi eg eisini frætt. Sperðilin skal finnast í, at inklusiónsherferðin í Danmark seinastu árini er gjørd við sparitiltøkum fyri eyga. Altso manglandi starvsfólk og tvørrandi útbúgving / eftirútbúgving av starvsfólkunum.

Ætla vit, at inklusión skal eydnast er tvingandi neyðugt, at tilfeingi fylgir við:

  • Hóskandi nøgd av starvsfólki
  • Hóskandi vitan um inklusión og førleikar at brúka vitanina í verki
  • Hóskandi fysiskar karmar í dagstovnum og skúlum

Við at leggja orku í trivnaðin og menningina hjá børnum frá byrjan vinnur samfelagið margfalt inn aftur í seinna enda.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður