Mentan

Selurin – ferjan um vágna í Klaksvík

Selurin – ferjan um vágna í Klaksvík

Ferjan Selurin P 82 leggur at á Stongunum í Klaksvík. Hon var smíðað á Klaksvíkar sleipistøð árini 1959-60 (Mynd: Eddi Leyni)

2018-07-06 10:48 Author image
Óli Olsen

Í sekstiárunum var ferjan Selurin kend býarmynd í Klaksvík. Tá var ikki so vanligt at hava bil, og drúgt var at ganga runt buktina. Kjølbro hevði eitt nú nógv virksemi á Stongunum og á Kósini, og væl kom við hjá arbeiðsfólki og øðrum at sleppa skjótt og ómakaleyst yvirum.

Í 1959 fóru teir á Klaksvíkar sleipistøð at smíða ferjuna, sum várið 1960 fór at sigla um vágna í Klaksvík. Lítla farið Fisken, sum kom úr Noregi krígsárini, sigldi rutuna frammanundan.

Motorurin á nýggju ferjuni var ein 33 hesta bukh diesel. Hann varð, sum skilst, í 1964 útskiftur við motor av slagnum lister.

Tilfarið omandeks á Selinum var mahogni, skrokkurin eik og bók. Ferjan var 10 tons, hevði salón og pláss fyri 40 ferðandi. Ferjan sigldi um vágna í smá 10 ár, tá ið hon fór norður til Hvannasunds at sigla um sundið.

Selurin endaði sínar dagar uppi á Borðoyarvík. Seinast vit frættu, lógu rovini á landi, har sum bátahylurin er.

Rovini av ferjuni hava verið at síggja uppi á Borðoyarvík

Virkna tíðin hjá ferjuni Selinum er av. Hon hevur notið sítt otium uppi á Borðoyarvík

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Tjúguni í Føroyum

Tjúguni í Føroyum

Í 2017 yvirhálaðu føroyingar í tjúgunum teir í tretivunum við 19 menniskjum í fólkatali

Meira langlesnaður