Lions stuðlar Team Rynkeby

2016-05-15 14:00 Author image
Dimma

- Krabbamein er ein sjúka, sum rakar okkum øll. Um hon ikki rakar okkum persónliga, rakar hon ein av okkara avvarðandi.


Tað segði Bogi Mortensen, forseti í Lions Klubbanum í Suðuroy. tá Team Rynkeby fekk handað stuðul upp á 50.000 krónur.

- Team Rynkeby hevur sama endamál sum Lions, nevniliga at útvega pening til vælgerandi endamál, segði Bjarni Johansen, sum er ein av teimum 50 súkklarunum, sum mannar liðið, ið fyri triðju ferð skal súkkla úr Damark til Paris frá 10. til 16. juli.

Fyri trimum árum síðani varð eitt Rynkeby lið stovnað í Føroyum og fyrstu ferð, føroyskir súkklarar vóru við, var í 2014. Vit fóru eisini við í fjør, og aftur í ár fara 50 føroyingar at súkkla teir 1500 kilometrarnar úr Danmark til París í døgunum frá 10. juli til 16. juli.

Í fjør útvegaðu øll Team Rynkeby tilsamans yvir 48 milliónir til bardagan ímóti krabbameini hjá børnum, og tilsamans hava tey útvegað slakar 143,6 milliónir, hesi 14 árini, tey higartil hava súkklað.

Í fjør útvegaði føroyska Team Rynkebyliðið heilar 945.000 krónur til Krabbameinsfelagið, og tað er áleið tað sama, sum árið fyri, ið var fyrstu ferð, føroyingar mannaðu eitt Team Rynkebylið.

 

FAKTA

Team Rynkeby varð stovnað í 2002, tá ið eitt starvsfólk á Juice framleiðaranum, Rynkeby, var hjá lækna, og fekk staðfest, at hann hevði roykjaralungu. Í hesum sambandi fann hann upp á, at hann skuldi súkkla til París, at síggja endan á Tour de France. Tað eydnaðist honum at fáa 10 starvsfelagar við sær. Rynkeby stuðlaði ferðini og tilsamans útvegaðu tey 38.000 krónur

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður