Uttanlands

Oxford og Cambridge ovast á listanum yvir lærdar háskúlar

Oxford og Cambridge ovast á listanum yvir lærdar háskúlar

Mynd: Visualhunt

2017-09-06 10:10 Author image
Turið Nolsøe

Fyri fyrstu ferð eru tvey bretsk fróðskaparsetur ovast á listanum hjá Times Higher Education World University Rankings. Hetta skrivar BBC.

Times Higher Education World University Rankings varð stovnað í 2004, og ger lista yvir heimsins bestu fróðskaparsetur, mett eftir eitt nú frálæru, gransking, altjóða útlitum og umdømi. Listin, sum stjórnir og fróðskaparsetur meta høgt, er eisini ein hjálp hjá lesandi at velja lestrarstað.

Times Higher Education leggur dent á, at øgiliga tætt er millum ovastu plássini. Ein avgerandi orsøk til góðu plássini hjá Oxford og Cambridge, er hækkaða inntøkan seinasta árið, ið partvís er grundað á granskingarstuðul úr ES. Meðan Oxford og Cambridge høvdu vøkstur í inntøkunum, á ávikavíst 24% og 11%, lækkaðu inntøkurnar hjá nærmastu kappingarneytunum, California Institute of Technology og Stanford University. 

Men henda inntøka kann hvørva við Brexit, ávarar Phil Baty, ið er við til at gera listan yvir fróðskaparsetrini. Umleið ein fjóðringur av granskingarinntøkunum hjá Cambridge, og umleið ein fimtingur hjá Oxford, eru játtanir úr ES. Hetta vísir á, hvussu Brexit kann gerast ein hóttan ímóti góðu plássunum á Times Higher Education World University Rankings.

Tey 20 bestu fróðskaparsetrini í heiminum eru, sambært Times Higher Education World University Rankings, hesi:

1: Oxford University

2: Cambridge University

=3: California Institute of Technology

=3: Stanford University

5: Massachusetts Institute of Technology

6: Harvard University

7: Princeton University

8: Imperial College London

9: University of Chicago

=10: ETH Zurich - Swiss Federal Institute of Technology

=10: University of Pennsylvania

12: Yale University

13: Johns Hopkins University

14: Columbia University

15: University of California, Los Angeles

16: University College London

17: Duke University

18: University of California, Berkeley

19: Cornell University

20: Northwestern University

 

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Meira langlesnaður