Óvist hvussu nógvir føroyingar stríðast við etingarólagi

Modelmynd: Visualhunt

Óvist hvussu nógvir føroyingar stríðast við etingarólagi

2017-10-27 12:12 Author image
Leif Láadal

Kaj Leo Holm Johannesen, løgtingsmaður fyri Sambandsflokkin, hevur nú fingið svar frá Sirið Stenberg, landsstýriskvinnu í heilsumálum um viðgerð til børn og ung við etingarólagi. Í svarinum stendur millum annaðm at ongi samlað hagtøl eru fyri, hvussu nógvir føroyingar hava etingarólag. 

- Í løtuni er fýra børn/ung undir 18 ár í viðgerð fyri etingarólag á Psykiatriska deplinum. Sambært Landssjúkrahúsinum er etingarólag serliga ein trupulleiki, sum er at síggja millum ung fólk. Vit hava ikki samlað hagtøl fyri, hvussu nógvir føroyingar hava etingarólag, upplýsir Sirið Stenberg.

Tað er soleiðis, at umframt Psykiatriska depilin, so eru tað eisini onnur, ið veita viðgerð fyri etingarólag, til dømis privatstarvandi sálarfrøðingar, men Sirið Stenberg veit ikki at siga, hvørjar diagnosur hesi verða viðgjørd fyri. 

Barna- og ungdómspsykiatriska toymið bjóðar í løtuni ambulanta viðgerð fyri etingarólag. Sambært Landssjúkrahúsinum er viðgerðin sett saman eftir tørvinum hjá tí einstaka, og er familjan altíð partur av viðgerðini. Í heilt serligum førum, har heilsustøðan hjá tí unga beinleiðis er hótt, hevur verið neyðugt at innleggja børn við etingarólagi á Psykiatriskari deild fyri vaksin ella á barnadeildini. Í heilt serligum førum, hava ung við etingarólagi fingið viðgerð í Danmark.

- Í fíggjarlógaruppskotinum fyri 2018 er peningur settur av til at seta á stovn eitt barna- og ungdómspsykiatriskt dagtilboð. Hetta fer at geva heilt aðrar møguleikar í mun til viðgerð av etingarólagi í teimum førum, tá vanlig ambulant viðgerð ikki er nøktandi. Eftir ætlan kann hetta eisini vera við at byrgja fyri innleggingum av børnum og ungum frameftir. Tó er umráðandi, at eisini verður arbeitt við fyribyrging og skjótari, lætt atkomuligari hjálp hjá teimum, sum enn ikki eru álvarsliga rakt av etingarólagi; bæði til tey ungu sjálvi, men eisini til foreldrini. Tílík vegleiðing, ráðgeving ella viðgerð kundi verið gjørd í samstarvi við Gigni og heilsufrøðingar á skúlunum, sigur Sirið Stenberg í svari sínum til Kaj Leo Holm Johannesen.


Øll svarini til fyrispurningarnar hjá Kaj Leo Holm Johannesen kunnu lesast HER

 

 

 

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður