Mentan

ÓMEGD verður frumsýndur á Tjóðpallinum

ÓMEGD verður frumsýndur á Tjóðpallinum

Mynd: Innsend

2017-08-28 09:00 Author image
Guðrun í Jákupsstovu

Í 2013 útgav Súsanna Skaalum, sálarfrøðingur, bókina "Um bara hann sló meg". Bókin snúði seg um fimm forteljingar frá Kvinnuhúsinum, ið allar greiddu frá ymsum sløgum av harðskapi, enn bert tí likamliga. Tí ósjónliga, sárarliga harðskapinum.

Leikurin ÓMEGD, skrivaður av Kristinu Sundar Hansen, er ein remidiering av hesi bókini. Ein remidiering er "ein endurnýtsla av innihaldi úr einum miðli í einum øðrum miðli". Leikurin fer at taka tvær søgur av teimum fimm, úr bókini hjá Súsonnu Skaalum, og seta tær á pall. 

Leikurin snýr seg um trý fólk, tvær kvinnur og ein mann, ið siga sínar søgur um teirra lív í parløgum, har samljóð ikki er millum partarnar um at geva seg yvir til, ella hava virðing fyri hvør øðrum. Frásagnirnar í leikinum byggja allar á veruligar hendingar, og siga tær frá, hvat hendir, tá parlagið fer av kós, og harðskapurin tekur yvir.

Leikararnir í ÓMEGD eru: Gunnvá Zachariasen, Kristina S. Ougaard og Hans Tórgarð.

Leikrit og leikstjórn er eftir Kristinu Sundar Hansen. Pallmynd og búnar eftir Hansinu Iversen. Tónleikur og ljóðmynd, Jón McBirnie. Ljósdesign og video, Turpin Napoleon Djurhuus. Dramaturgur er Barbara Hentze í Stórustovu.

Leikurin verður frumsýndur tann 9. septembur á Tjóðpalli Føroya

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Meira langlesnaður