Ódnin Harvey hóttir Texas

Mynd: epa.eu

Ódnin Harvey hóttir Texas

2017-08-25 12:34 Author image
Guðrun í Jákupsstovu

Íbúgvar í amerikanska statinum Texas, skulu í dag taka avgerðina um tey skulu flýggja frá húsi og heimi, ella taka kjansin og vera verandi við hús. Orsøkin er tann, at tann møguliga lívshættisliga ódnin, Harvey, fer at bresta á í Texas seinni í kvøld. Tað skrivar CNN.

Ódnin Harvey sær út til at fara at blíva ein tann ógvusligasta ódnin ið hevur rakt USA tey seinastu 12 árini. Veðurvánirnar spáa upp til 90 cm av regni og yvir 200 kilometrar um tíman av vindi. Hesi ógvusligu tøl gera, at ódnin verður flokkað sum ein bólkur-3 ódn. Seinast ein so sterk ódn brast á í USA, var í statinum Florida, í 2005. Har mistu 87 fólk lívið.

Motorvegir eru longu fyltir av bilum ið vilja rýma úr statinum, og stórt burturflytingararbeiði verður nú framt í býum ið liggja í serliga lágtliggjandi økjum. 
Dr.dk skrivar, at tey hava burturflutt arbeiðsfólk á oljuboripallum í tí meksikanska golfinum, umframt at fleiri oljureinsingarvirki eru stongd. Hetta hevur ført við sær at bensinprísir eru hækkaðir nógv.

Tey fólkini ið ikki vilja rýma, hava ístaðin keypt stórt inn undir seg av mati og drekka, so at nógvir handlar standa púra tómir. Tey hava eisini keypt sandsekkir og bretti av ymsum slag, at verja húsini við.

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður