Nú kemur barnatannrøktin til Sandoyar

2016-08-16 18:00 Author image
Dimma

Kommunurnar í Sandoynni vendu sær fyrr í ár til Tórshavnar kommunu um at fáa í lag samstarvsavtalu um barnatannrøkt og sertannlæknaviðgerðir. Kommunurnar hava lógarskyldu at veita ókeypis barnatannrøkt og sertannlæknaviðgerðir til børn og ung upp í 17 ár.

Býráðið samtykti fyri summarið uppskot til avtalu við Sandoyar Skúlasamband. Í dag varð avtalan undirskrivað av Heðini Mortensen, borgarstjóra, og Poul Klementsen, formanni í Sandoyar Skúlasambandi, sum hevur barnatannrøktina í Sandoynni um hendi.

Í Sandoynni eru um 300 børn, og við avtaluni verður tað Tannlæknastovan í Havn, sum fer at standa fyri tannrøktini. Vanliga tannrøktin fer í høvuðsheitum fram í tannlækastovuni í Meginskúlanum á Sandi, meðan sertannlækaviðgerðirnar fara fram í sertannlæknastovuni í Skúlanum á Løgmannabreyt.

Ávísar dagføringar verða nú gjørdar í tannlæknastovuni í Meginskúlanum, eins og aðrar fyrireikingar skulu gerast, áðrenn dagliga virksemið byrjar. Um stutta tíð fáa børn og foreldur nærri kunning um nýggju skipanina.

 

placeholder

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Ljósmeistarin

Ljósmeistarin

Næstu ferð tú ert á G! ella Summarfestivalinum, ella til eina størri konsert í Føroyum, hugsa so um ljósið

Author image Kartin L. Hansen
At koma úr skápinum sum stamari

At koma úr skápinum sum stamari

Í eini roynd at finna útav, hví hann stamar, og hvat hann kann gera við tað, hevur Trygvi Danielsen hitt aðrar kendar stamarar

Author image Trygvi Danielsen

Meira langlesnaður